ZenithGold Publishers

Ebiri mu kitabo kino tebikukwatako mu kaseera kano bw'oba nga toli muntu mulaamire wa Byaama bya Kkubo ly'Abatuukirivu Abalamu abalabika n'amaaso ag'omubiri guno era nga tolina Mununuzi wa Myoyo akukutte ku mukono oba eyakutuuza ku Kabugo Akatukuvu n'Akubikkulira Ebyaama bino. Naye bw'oba ng'oli wa mukisa ogutasangika mangu ku nsi kuno, n'ojja weesanga ng'oli mulaamire wa Byaama bya Kkubo lino Eddemeezi ly'Abatuukirivu ng'olina Ssebikuuno Sserumalamawano eyakukkiriza okubeera omuyigirizwa wansi w'Ebigere bye Ebitukuvu ebiri muno bikukwaatako nnyo. Olina omukisa munene okubeera ng'otuuse ku kitabo kino era nga onossaayo omulaka okukisoma okitegeere era ogoberere ebikirimu. Mw'abo Abalaamire abagoberera bino ate mwe mugenda muva amasa n'emitendera gy'abantu ababeera mu mabanguliro g'Obutangaavu abatali bamu okutuukira ddala lwe bawangula Engule y'Obutuukirivu nga bakyali balamu ku nsi kuno. Ate mw'abo Abatuukirivu ne mulyoka muvaamu Bassebikuuno Abanunuzi b'emyoyo abajja ku nsi nga Batuukirivu katetwe ate n'okweyongerayo okugendera ddala ku b'Ansenserenisa abatatera na kujja ku nsi zino. Ebiri mu kitabo kino bijja kukuwabula bikuyigirize obutagwa mu nsobi ya kumenya birayirobyo.

122 pages

 

 

 

250 pages

Ebitabo kino kirimu ebigezo eby'Omwaka 2007 nga bwe byabuuzibwa Abayizi Abalandantanyi n'Abalandakazi mu Lulyo Olutukuvu olwa Sserulanda Nsulo Yobulamu. Ebigezo ebikirimu bye bino: 1. Ebyafaayo bya Sserulanda ng'Olulyo Lw'obutangaavu Olutukuvu 2. Kaliisoliiso w'Ebyomwoyo Olupapula #01. 3. Kaliisoliiso w'Ebyomwoyo Olupapula #02 4. Ebyafaayo by'Abatangaavu ab'Ensi yonna. Abayizi Abalanda abaatuula ebibuuzo byonna okutwaalira awamu baasukka mu 160, omwaka ogwo. Guno gwe gwaali omulundi ogusookedde ddala wonna ku lukalu lw'Afrika bukyalubangalwammindi okuyita mu mirembe enkumi n'enkumi Abayizi naddala Abaddugavu nnakabala mu By'omwoyo okutuula ne bakola ebigezo ebiwandiike mu by'okuyiga ebitali bimu ate nga byonna byekwasa oba nga bikwaata ku Kkubo lya Butangaavu. Abayizi mwenna abaalafuubana ne mukola ebigezo ebyo tubeebaza nnyo kubanga mwateekawo essuula empya ne mwolesa nti ddala Olulyo luno lulina Ebbanguliro-Katibu abantu mwe bayigira Ebyama ebitukuvu. Mulindirire Amabaluwa gammwe ag'obuwanguzi!

217 pages  

Ekitabo kino Bwanjulula-Ttoonzi Ekkubo Ly'obunnajjere Erya Bassebikuuno Abatuukirivu kikwaatira ddala ku Kkubo ly'Abatuukirivu Abalamu abajja ku nsi mu buli mulembe nga bazze ng'Abanunuzi b'emyoyo naddala egyo egyambadde ebbala ery'obwomuntu. Kye kitabo ekisookedde ddala okunnyonnyola akawonvu n'akagga eri buli yenna atandika obutandisi okunoonya okuyiga, okumanya n'okutegeera engigiriza za Bassebikuuno ne Bannabikuuno abatatera kumanyika mu bantu abasinga obungi ku nsi kuno. Kittottola obulamu, ekigendererwa ky'okuzaalibwa ng'omuntu ku nsi, amakulu g'okufa, biki Omutendeke by'afuna mu kutendekebwa kuno era biki by'asinza atali mutendeke wa Kkubo lya Butuukirivu n'amasomo amalala mangi. Kyogera ku Bahindani-Mbalakativamu-Kkuulo mu byaama ebikusike nga y'enneekulungula y'emyoyo nga gigenda gyeserenga mu bitonde ebya buli ngeri okuviira ddala wansi eri mu bbumba oba ettaka, mu byuuma, mu mayinja ag'omuwendo, mu njazi, mu bimera, mu biwuka, mu binyonyi, mu byewalula, mu byennyanja ne mu bisolo okujja ate okufuna akakisa akatafunika okuzaalibwa ng'omuntu.

362 pages